彭拿典奈高斯顶得住

发布时间：2021-01-05 11:57:19 阅读：次来源：周转箱厂家

彭拿典奈高斯顶得住

世界上有好多人都唔识洁身自爱，足球界尤其多，计有已故的佐治贝斯，近年有加斯居尼、哥利摩亚等，他们的结局都几令人唏嘘。日前传出话挂靴的朗拿度都属于此类，不过佢天生好命，至少球员生涯要攞嘅，佢都攞过晒，夫复何求呢！

当今球坛最唔自爱的“人办”，首推国际米兰的艾迪安奴，呢位臭马前锋，响文仙尼时代已经出名烂玩，多次被放逐甚至被踢走，到咗摩连奴执教国际米兰，佢终于再获机会，亦证明自己有能力，可惜好了一阵子又身痕，烂玩出事缺席早课操练，后果当然係被弃用，佢都算好彩，停赛几场又获生机，希望佢唔好再係咁，生命有“Take2”，但唔代表有“Take3”，要知道，摩连奴恶起上嚟，油王都冇面畀，何况係艾迪安奴？

讲返今晚比赛，又係欧冠盃世界，排名B组榜首的国际米兰主场遇上希腊的彭拿典奈高斯，初盘国米硬让球半，没有必胜把握，下盘有利。今场形势是，国米赢波出线，彭拿典奈高斯和都分分钟出局，因为仍以一分落后第二的安罗科萨斯，该支塞浦路斯球队今晚主场对云达不莱梅唔输得晒，所以压力在彭拿典奈高斯，即使赢唔到国米都至少要保住一分，稳守突击可以预料，加上不俗的状况，对住国米，点都唔会输多过两球。

推介：国际米兰胜1:0 （互联网）